سمية الخشاب تكشف أغرب مواقف المعجبات: جوزي بيحبك ممكن تتصوري معاه
قدمت الفنانة سمية الخشاب، فاصلا كوميديا عن أبرز وأغرب مواقفها مع المعجبين والمعجبات، مؤكدة أن النساء في مصر يتمتعون ب “روح رياضية” وبعضهن يطلب منها الموافقة على التقاط الصور التذكارية مع أزواجهن.
وأضافت سمية خلال مشاركتها في برنامج “snl بالعربي” على قناة on: الواحد بيقابل مواقف كوميدية كتير وخاصة من الأزواج.. بلاقي واحدة بتطلب مني أن جوزها يتصور معايا.
وتابعت قائلة: وبصراحة الستات في مصر روحهم رياضية وواثقين من نفسهم بيطلبوا يتصوروا معايا وييجوا يقولولي ممكن جوزي يتصور معاكي ده بيموت فيك.. يا خبر اسود انا ابقى ماشية مع جوزي واقابل نجمة واروح أقولها جوزي بيحبك ولا بيموت فيك؟؟ لا أنا معلمش كدة ابدا.
وأضافت: لكن الرجالة يا ساتر كيادين ييجي يقولي ممكن أتصور معاكي علشان أغيظ المدام، طيب انت عايز تغيظها وتحرق دمها ليه.
يذكر أن سمية خضعت لأغرب جلسة تصوير في صيف 2020، حيث ظهرت وكأنها في حوض سباحة، وغارقة في عدد كبير من حلقات البرتقال، ولكنها وضعت تعليقا عميقا يبرر هذا التنسيق غير المعتاد لجلسات التصوير، خاصة وإنها لم تنشر سابقا أية صورة لها من داخل حوض السباحة أو بملابس السباحة.
سمية الخشاب علقت على الصور قائلة، عندما تكون الحياة بطعم الليمون المر، يمكن فجأة أن تصبح بطعم البرتقال، في إشارة لشعورها سابقا بالمرارة واستمتاعها حاليا بالحياة.
مجلة سيدتي
