سلايدمشاهير

مصطفى كامل يستبق الانتخابات على مقعد نقيب الموسيقيين بتصريحات صادمة..

قبل ساعات قليلة من إعلان القائمة النهائية للمتنافسين على مقعد نقيب المهن الموسيقية في مصر، أطلق المرشح الأوفر حظاً مصطفى كامل تصريحات صادمة حول رؤيته للعمل النقابي، طالت بشكل سلبي مطرب الراب ويجز، وأغلب نجوم المهرجانات والملحن عمرو مصطفى على خلفية أزمات الأخير مع المطرب عمرو دياب، وهدد كامل بفضح الفساد المستشري داخل النقابة.

مصطفى كامل الباحث عن أصوات كل المقيدين بسجلات نقابة المهن الموسيقية لتحقيق الفوز في الانتخابات، وجه انتقاداً مباشراً لمطرب الراب ويجز، وسخر من أسعار تذاكر حفلاته الغنائية قائلاً: ربنا يخلي العبط والهبل والمهابيل والمهاطيل وربنا يزيدهم، وويجز مش عاجبني ولا هيعجبني وأنا لا أدعي حاجة بره شخصيتي، وأنا سمعت بتوع المهرجانات وسمعته بس مش عارف ولا فاهم بيقول إيه.

وأكد مصطفى كامل، في حواره مع الإعلامية أسما إبراهيم، في برنامجها حبر سري، المذاع عبر شاشة قناة القاهرة والناس، أنه ضد هذه النوعية من الأغاني، وإن كانت تحقق نجاحاً كبيراً في الوقت الحالي، مضيفاً: “إذا استمرت الحاجات دي اعرفي إن مصر باي باي”.

وعبر مصطفى كامل، عن تعجبه من أغاني ويجز، قائلاً: “إيه ده في إطار الفن ومش قادر أصدق أن الفن المصري راح للحته دي، حتى وإن كان لهم جمهور ومتمناش لبلدي إنه يكتر منها الحاجات دي خالص”.

واختار مصطفى كامل مطرب المهرجانات عمر كمال كشخص وحيد من بين هذه الفئة يجيد الغناء، ووجه انتقادا شديدا لظاهرة المهرجانات كلها بسبب شيوع الألفاظ الخارجة في أغانيهم، مؤكدًا أنه لم يسمع هذه الألفاظ في أي عمل فني من قبل.

وقال مصطفى كامل،: عمر كمال لو سلمني دماغه أعدي بيه بر الأمان؛ لأنه أفضل صوت في مغنين المهرجانات، وحمو بيكا مش هينفع يتغير هو بيقدم حالة لايقة عليه، وأنصحه يبعد عن الكلمات الخارجة.

وتابع: وأي حد بتاع مهرجانات بنصحهم إنهم نوع من أنواع المزيكا وشبه مزيكة حميد الشاعري في التسعينات، وأسوأ ما في المهرحانات هي الكلمة الرديئة، وأنا من منطقة شعبية من مصر القديمة وبعشق المناطق الشعبية، ولكن مغنين المهرجانات بيقولوا ألفاظ أنا مسمعتهاش من العيال الصيع.

وأضاف: المهرجانات ظهرت في زمني أنا عن طريق أوكا وأورتيجا، واسألي من ورايا من بعد مصطفى كامل إيه اللي حصل، جمعت مغنين المهرجانات وقلت لهم أنا مبقطعش عيش حد، ولكن لن أسمحلك تبوظ الذوق العام، لإن فيه ابني وابنك، وفيه حاجات أقدر أعملها بشخصيتي.

وعلق مصطفى كامل، على تصريحات الفنان عمرو مصطفى، بشأن الفنان عمرو دياب، وقال:مش عايز أقول لفظ وحش، نُكران الجميل وحش وده نُكران جميل، وعمرو مصطفى ناكر جميل عمرو دياب، هو هيهزر؟ يعني عمرو مصطفى أفاد عمرو دياب في حياته؟ ده كلام؟ ده كلام ميصحش يقوله.

وتابع: كنت واخد عهد على نفسي ألا أتطرق لـ عمرو مصطفى، ورغم زعلي منه إلا أنه مُلحن كويس، بس أوعى تنسى إنك كنت بتيجي الأستوديو وأنا موجود علشان تبقى موجود في قاعدة فيها عمرو دياب، أنا شُفتك وماليش دعوة جيلك شافك ولا لأ، ولكني شُفتك وأنت بتيجي علشان بس تكون مجرد واحد قاعد في قاعدة فيها عمرو دياب، وبتتكلم على مين؟

وأضاف: فيه فرق كبير لما تتكلم على حد واقع، ولكن عمرو دياب في حتة تانية يا جماعة خالص، فيه أسامي مينفعش ولا يليق مع أي حد فينا لما يختلف معاها يطلع يتكلم عليها كده، مينفعش وعيب كده، وبعد 10 سنين عمرو دياب هيفضل عمرو دياب.

وعن قراراته الأولى لو تم انتخابه نقيباً للموسيقيين في مصر قال مصطفى كامل: أول قرار هاخده لو وصلت لمنصب النقيب هكنس الفساد بالمقشة، وعشم الناس فيا إني أقضي على الفساد وعندي إثباتات مُسجلة.

وتابع: الناس اللي بتدفعني للمنصب وأنا اللي متردد شوية، وأنا بقالي فترة في حياتي عموماً واخد قرار إني أكون مع فني وبيتي وكفاية عليا جداً، والحمد لله لو المنصب ده له من البريق ما يؤهله، وأنا عارف إن له مشاكل أكتر وأنا داخل على معركة واللي مخليني بستجيب لنداء الناس إنها معركة شريفة، والحمد لله الدافع اللي بيدفعوه بيا تحت ستار إن مصطفى كامل راجل قوي وشريف.

 

مجلة سيدتي

مقالات ذات صلة

زر الذهاب إلى الأعلى