حبيب زينة مكي يطلب يدها خلال وجودها في الجيم..شاهدوا ردة فعلها
قام الملحن اللبناني نبيل خوري بمفاجأة حبيبته الممثلة زينة مكي بتقديم خاتم الخطوبة لها خلال ممارستها الرياضة داخل الجيم وسط حضور عدد قليل من الأصدقاء. زينة أعربت عن فرحتها البالغة من خطوة نبيل، واصفة اياها بالمجنونة، وبأنها لم تكن تتوقعها على الإطلاق. وتصدرت زينة الترند السعودي بهذا الفيديو الظريف، وتداول عدد كبير من النشطاء هذا الفيديو، وشاركوا الثنائي فرحتهما، وتمنوا لهما المزيد من السعادة والحب.
ونشرت زينة مقطع فيديو عبر حساباتها على السوشال ميديا وعلقت عليه قائلة: “رغم كل شي عم يمرق فيه بلدنا و نحنا.. ورغم كل الزعل يللي بقلبي وبقلبو .. نبيل هو السبب يللي عم بيخلّيني أقف على رجلي كل يوم”. وأضافت:”بنُص زعلي وبنُص تعصيبي …..وبنُص تمريني اليوم، بيقللي : بدِّك تصيري مراتي؟ أنا يللي بحياتي ما تخيّلت أعمل هيك خطوة .. الا بس فات هّو عحياتي..ايه .. أكيد ايه فكرة.. انتَ يللي خلّيتني أسمع الموسيقى أحلى”.
من جهته، نبيل نشر الفيديو نفسه وأرفقته برسالة طويلة عبر من خلالها عن حبه الكبير لـ زينة وقال: ” نحن تنين حبّو بعض بهل إيّام الصعبة، قلوبنا مع كل الناس بلبنان و صرلنا فترة تعبانين و متأثرين بكل شي عم بصير حوالينا. كنت مقرّر أعمُل هل خطوة بعد فترة و مش اليوم… بس كان في شي جوّاتي عم بيقلّي أعملا لأنّو اشتقت شوف البنت اللّي بحبّا مبسوطة…”.
وتابع نبيل: ” اليوم أنا بدي قلكن، حبّو بعض و قدّرو كل لحظة فيكن تعيشوها مع الأشخاص اللي بيعنولكن و بتحبّوهن… لأنّو ما حدا بيعرِف بكرا شو مخبّا…”. وأضاف: ” زينة، أنا بحبِّك من كل قلبي و انتي أحلا شي بحياتي اليوم و كل يوم… و أنا بس حبّيتِك صرت إسمَع الموسيقى أحلا و صرت أعمُل موسيقى أحلا”.
يذكر أن زينة تتحضر لعرض مسلسل “دانتيل” عبر منصة “شاهد” والذي كانت قد شاركت به الى جانب كل من سيرين عبد النور ومحمود نصر وعدد كبير من نجوم الدراما في لبنان وسوريا. أما نبيل فهو صاحب لحن أغنية “قلبي يا قلبي” التي أصدرتها الفنانة نانسي عجرم منذ أشهر ولاقت نجاحاً منقطع النظير في العالم العربي، ويتحضر لتعاونات جديدة مع فنانين آخرين.
مجلة الجميلة
